झापा

गएराति आएको पानीसहितको हावाहुरीले झापाका विभिन्न स्थानीय तहमा व्यापक क्षति पुर्‍याएको छ । प्रहरीका अनुसार घरका छाना उडाउनुका साथै कुखुरा फार्म, उद्योग, इँटा भट्टा, विद्युत् पोल तथा सवारीसाधनमा क्षति पुगेको छ । यसैगरी, तनहुँको सदरमुकाम दमौली र जिल्लाका विभिन्न स्थानमा आएको भीषण हावाहुरी र अविरल वर्षाले दर्जनौँ घरमा क्षति पुगेको छ ।

गण्डकी प्रदेशको पोखरा र प्रदेश १ को झापामा हावाहुरी तथा असिना पानीका कारण मकै, फलफूल, तरकारी र केरा खेतीमा ठूलो क्षति पुगेको छ। पोखरा महानगरपालिकाका विभिन्न वडामा लगाइएका बालीनालीमा क्षति पुगेको छ भने झापाको बाह्रदशी गाउँपालिकामा करिब ६० बिघा क्षेत्रफलमा लगाइएको केरा खेती नष्ट भएको छ।

राष्ट्रिय प्रजातन्त्र पार्टीकी सांसद खुस्बु ओलीले झापाको कनकाई नगरपालिकामा सञ्चालित करोडौंको लगानीमा बनेको फोहोर व्यवस्थापन आयोजनामा व्यापक भ्रष्टाचार र चोरी भएको आरोप लगाएकी छिन्। मंगलबार प्रतिनिधिसभामा बोल्दै उनले उक्त परियोजना अहिले कबाडीखानामा परिणत भएको र बायोग्याससमेत उत्पादन गर्न नसकेको दाबी गरिन्। सांसद ओलीले सम्भाव्यता अध्ययन नै नगरी परियोजना निर्माण गरिएको र यसमा ठूलो अनियमितता भएको तर्क गर्दै तत्काल छानबिनको माग गरेकी छिन्।

झापाको बाह्रदशी गाउँपालिकामा आएको भीषण हावाहुरी र वर्षाका कारण करिब ६० बिघा क्षेत्रफलमा लगाइएको केरा खेतीमा करिब ३ करोड रुपैयाँ बराबरको क्षति पुगेको छ । उत्पादन बजार पठाउने तयारीमा रहेका बेला खेती नष्ट भएपछि किसानहरू चिन्तित बनेका छन् । क्षतिको वस्तुस्थितिबारे जानकारी लिन झापाका प्रमुख जिल्ला अधिकारीसहितको टोलीले प्रभावित क्षेत्रको स्थलगत अनुगमन गरेको छ ।

नेपालमा करिब ३५ वर्षदेखि शरणार्थी जीवन बिताइरहेका भुटानी शरणार्थीहरूले नेपालमै स्थायी बसोबास र पूर्ण कानुनी अधिकार सुनिश्चित गर्न माग गर्दै झापाको बेलडाँगी शिविरमा हस्ताक्षर अभियान सुरु गरेका छन्। उनीहरूले 'शरणार्थी'को अस्थायी अवस्थाबाट बाहिर निस्कँदै नेपालमै कानुनी मान्यतासहित स्थायी बसोबासको व्यवस्था गर्न आग्रह गरेका छन्। भुटान फर्किने सम्भावना न्यून र तेस्रो देश पुनर्स्थापना कार्यक्रम बन्द भएपछि स्थानीय एकीकरणलाई उनीहरूले व्यावहारिक विकल्प मानेका छन्।

नेपालको प्रिमियम इलेक्ट्रिक स्कुटर ब्रान्ड एथरले झापाको बिर्तामोडमा आफ्नो नयाँ 'एक्सपेरियन्स सेन्टर' (शोरुम) सञ्चालनमा ल्याएको छ। बैद्यज अर्गनाइजेसन अन्तर्गतको भुर्तेल इनर्जी प्रालिले सञ्चालनमा ल्याएको यो केन्द्रले एथरको देशभरको उपस्थिति ११ वटा एक्सपेरियन्स सेन्टरमा पुर्‍याएको छ। नयाँ सोरुम उद्घाटनको अवसरमा जेठ १७ गतेसम्म स्कुटर खरिद गर्ने ग्राहकहरूका लागि शून्य प्रतिशत ब्याजदरमा फाइनान्स, थप एक्सचेन्ज भ्यालुएसन र विस्तारित ब्याट्री वारेन्टी जस्ता विशेष अफरहरू पनि सार्वजनिक गरिएको छ।

झापामा संरक्षित वन्यजन्तुहरू मानव बस्तीमा पस्ने क्रम बढेसँगै उद्धार र उपचारमा स्रोत, साधन र दक्ष जनशक्तिको अभाव देखिएको छ। यसका कारण पछिल्लो दुई महिनामा एक चितुवा र एक गौरी गाईको मृत्यु भएको छ। वन्यजन्तु सङ्कटमा पर्दा समयमै उद्धार नहुँदा स्थानीयस्तरमा गुनासो बढेको छ।

झापाको भद्रपुर नगरपालिकामा सञ्चालित हडिया रियल टि इस्टेटले ६० बिघा क्षेत्रफलमा चिया र सुपारीको मिश्रित व्यावसायिक खेती सुरु गरेको छ। सञ्चालक भक्ति अधिकारीका अनुसार, सुपारीको अग्लो बोटले चिया झाडीलाई छहारी दिने र यसबाट दोहोरो लाभ लिन सकिने भएकाले यो अभ्यास थालिएको हो। यो झापामा कुनै व्यावसायिक कम्पनीद्वारा संस्थागत रूपमा गरिएको पहिलो अन्तरबाली खेती हो।

जिल्ला कारागार झापामा कैद सजाय भुक्तान गरिरहेका चन्द्रकुमार घिमिरेको उपचारका क्रममा मृत्यु भएको छ। श्वासप्रश्वासमा समस्या देखिएपछि उनलाई विभिन्न अस्पतालमा लगिएको थियो।

जिल्ला कारागार झापामा कैद सजाय भुक्तान गरिरहेका ६४ वर्षीय चन्द्रकुमार घिमिरेको उपचारका क्रममा मृत्यु भएको छ। श्वासप्रश्वासमा समस्या देखिएपछि उनलाई विभिन्न अस्पतालमा लगिएको थियो।