राजन पौडेल

भोजपुरमा मनसुनजन्य प्रकोप तथा अन्य विपद्बाट हुने धनजनको क्षति न्यूनीकरण गर्ने उद्देश्यले नेपाली सेनाको नयाँ श्रीनाथ गणको आयोजनामा ‘अभ्यास मनसुन–छ’ सञ्चालन गरिने भएको छ । यो अभ्यास भोजपुर नगरपालिका–५, बोखिम तथा सदरमुकामको टुँडिखेल क्षेत्रमा नेपाल प्रहरी, सशस्त्र प्रहरी बल नेपाल र अन्य सरोकारवाला निकायहरूको समन्वयमा गरिनेछ । अभ्यासमा पहिरो, आगलागी, भूकम्प तथा सडक दुर्घटनाजस्ता विपद् अवस्थाहरूमा उद्धार, खोज तथा व्यवस्थापनका प्रक्रियाहरू अभ्यास गरिनेछन् ।