विपद र दुर्घटना

रोल्पाको थवाङमा हावाहुरीका कारण ढलेको रूखले च्याप्दा दुई जना महिलाको मृत्यु भएको छ। मृत्यु हुनेमा थवाङ गाउँपालिका–२ हेलोवाङकी ६० वर्षीया रुजु झाँक्री र सोही ठाउँकी ५० वर्षीया मनबुजी झाँक्री रहेका छन्। प्रहरीका अनुसार रुजुको घटनास्थलमै मृत्यु भएको थियो भने मनबुजीको उपचारका लागि पोखरा लैजाने क्रममा मृत्यु भएको हो।

अमेरिकाको क्यालिफोर्नियाको गार्डेन ग्रोभ क्षेत्रमा रहेको एक रासायनिक ट्याङ्कीबाट ‘मिथाइल मेथाक्रिलेट’ नामक ज्वलनशील रसायन चुहावट भएपछि करिब ४० हजार मानिसलाई घर छाड्न आदेश दिइएको छ। अग्निनियन्त्रकहरूले ट्याङ्की विस्फोट हुने वा रसायन फैलिने उच्च जोखिम रहेको चेतावनी दिएका छन्। हालसम्म कसैलाई चोटपटक लागेको रिपोर्ट छैन, तर चुहावटको कारण पत्ता लाग्न सकेको छैन।

मकवानपुरको भीमफेदी गाउँपालिका–८ मा तराई–मधेश द्रुतमार्गअन्तर्गत सुरुङमा काम गर्ने क्रममा फलामको रिपिट उपकरण खसेर लाग्दा एक कामदारको मृत्यु भएको छ भने अर्का एक जना घाइते भएका छन्। प्रहरीका अनुसार बर्दियाका करिब ३० वर्षीय रामगोपाल चौधरीको मृत्यु भएको छ भने मकवानपुरका २२ वर्षीय सन्तोष बम्जन घाइते भएका छन्।

रोल्पाको थवाङ गाउँपालिकामा हावाहुरीका कारण ढलेको रूखले च्याप्दा दुई महिलाको मृत्यु भएको छ। मृत्यु हुनेमा ६० वर्षीया रुजु झाँक्री र ५० वर्षीया मनबुजी झाँक्री रहेका छन्। रुजुको घटनास्थलमै मृत्यु भएको थियो भने मनबुजीको उपचारका लागि पोखरा लैजाँदै गर्दा बाटोमा मृत्यु भएको प्रहरीले जनाएको छ।

म्याग्दीको रघुगङ्गा गाउँपालिका–२ माथिल्लो बैसरीमा वर्षासँगै पहिरो खसेपछि मुस्ताङलाई राष्ट्रिय राजमार्गसँग जोड्ने बेनी–जोमसोम–कोरला सडकको म्याग्दी खण्ड अवरुद्ध भएको छ। पहिरोका कारण चार वटा गाडी फसेका छन् भने यात्रु तथा पर्यटकहरू प्रभावित भएका छन्। सुरक्षाकर्मीले फसेका यात्रुहरूको उद्धार गरी सुरक्षित स्थानमा लगेका छन्।

रोल्पाको थवाङमा हावाहुरीका कारण ढलेको रूखले च्याप्दा दुई महिलाको मृत्यु भएको छ। मृत्यु हुनेमा थवाङ गाउँपालिका–२ हेलोवाङकी रुजु झाँक्री र मनबुजी झाँक्री रहेका छन्। उनीहरू बिरामी भेटेर फर्किने क्रममा रूखले च्यापिएका थिए।