राजेन्द्र लिङ्देन

राष्ट्रिय प्रजातन्त्र पार्टी (राप्रपा) र राष्ट्रिय प्रजातन्त्र पार्टी नेपाल (राप्रपा नेपाल) बीच एकीकरण भएको पाँच महिना बितिसक्दा पनि समायोजन प्रक्रिया अलपत्र परेको छ। पूर्वअध्यक्ष कमल थापाले अध्यक्ष राजेन्द्र लिङ्देनलाई सार्वजनिक रूपमै अवधारणा पत्र सम्झाउँदै तत्काल समायोजन प्रक्रिया अघि बढाउन आग्रह गरेका छन्। थापाले पार्टी एकता गर्दाका अवधारणा पत्रअनुसार स्थानीय र केन्द्रीय तहमा समायोजन नभएको र निर्वाचन आयोगमा समेत एकताको औपचारिक पत्र नपठाएको गुनासो गरेका छन्।

राष्ट्रिय प्रजातन्त्र पार्टी (राप्रपा) र राप्रपा नेपालबीच गत पुसमा भएको पार्टी एकता पाँच महिना बितिसक्दा पनि प्रभावकारी रूपमा कार्यान्वयन हुन नसकेको भन्दै असन्तुष्टि बढेको छ । तत्कालीन राप्रपा नेपालका अध्यक्ष कमल थापाले पार्टी नेतृत्वको ध्यानाकर्षण गराउँदै एकता प्रक्रिया अलपत्र परेको टिप्पणी गरेका छन् ।