राप्ती साहित्य परिषद् दाङ शाखा

दाङको घोराहीमा साहित्यकार शरद गौतमद्वारा रचित मुक्तक सङ्ग्रह ‘भावनाका लहर’को विमोचन गरिएको छ। राप्ती साहित्य परिषद्, जिल्ला शाखा दाङको आयोजनामा पत्रकार महासङ्घ दाङको सभाहलमा सम्पन्न कार्यक्रममा वरिष्ठ साहित्यकार उत्तमकृष्ण मजगैया प्रमुख अतिथि थिए। समीक्षक डा. हिमलाल पन्थीले कृतिले समसामयिक समाजको यथार्थ, सामाजिक विकृति र पारिवारिक विखण्डनले निम्त्याएको मानसिक तनावलाई मार्मिक ढङ्गले उजागर गरेको बताए।