लालझाडी गाउँपालिका

कञ्चनपुरको बेलौरी नगरपालिका–५ भकुण्डास्थित नक्टाबाबा (कालेश्वर) मन्दिर क्षेत्रमा गङ्गादशहरा पर्वको अवसरमा मेला लागेको छ। सोमबार रातिदेखि सुरु भएको यो मेला मङ्गलबार साँझसम्म चल्नेछ, जसमा नेपाल र भारतका विभिन्न स्थानबाट हजारौं श्रद्धालु भक्तजन सहभागी भएका छन्। यस पर्वका अवसरमा मन्दिरमा विशेष पूजा, भजनकीर्तन र धार्मिक अनुष्ठानको आयोजना गरिएको छ।

कञ्चनपुरमा स्तनपान गराउने आमाहरूको सङ्ख्या घट्दै गएको छ, जसले शिशु स्वास्थ्यमा चुनौती थपेको छ। व्यस्त कार्यतालिका, छोटो मातृत्व बिदा, फर्मुला दूधको प्रयोग, आक्रामक विज्ञापन, सहरीकरण र बदलिँदो जीवनशैली यसका प्रमुख कारणहरू हुन्। स्वास्थ्य कार्यालय कञ्चनपुरकी जनस्वास्थ्य नर्सिङ निरीक्षक आरती पाण्डेयका अनुसार जिल्लामा शिशु जन्मेको एक घण्टाभित्र स्तनपान गराउने आमाको सङ्ख्या ८४.९ प्रतिशत छ भने पूर्ण स्तनपान गराउनेको सङ्ख्या ५५.११ प्रतिशत मात्र छ।