शाहबाज शरीफ

चीन र पाकिस्तानले संयुक्त वक्तव्यमा जम्मु–कश्मीरको उल्लेख गरेपछि भारतले त्यसलाई अनुपयुक्त भन्दै अस्वीकार गरेको छ। भारतीय विदेश मन्त्रालयका प्रवक्ता रणधीर जयसवालले जम्मु कश्मीर र लद्दाख भारतको अभिन्न अंग रहेको र यसमा टिप्पणी गर्ने अधिकार अन्य कुनै देशलाई नभएको बताएका छन्। यसैबीच, पाकिस्तानका प्रधानमन्त्री शाहबाज शरीफको चीन भ्रमणका क्रममा जारी भएको उक्त वक्तव्यमा दुई देशले सीमापार जलस्रोतमा पनि सहकार्य गर्ने इच्छा व्यक्त गरेका छन्।