संगिता कुँवर

उद्योग, वाणिज्य तथा आपूर्तिमन्त्री गौरीकुमारी यादवले लामो समयदेखि बन्द रहेको हेटौँडा कपडा उद्योग पुनः सञ्चालनका लागि गृहकार्य भइरहेको बताएकी छन्। हेटौँडा औद्योगिक क्षेत्रको निरीक्षणका क्रममा उनले उद्योग सञ्चालनमा आए मुलुकको आर्थिक विकासमा टेवा पुग्ने र रोजगारीको वातावरण सिर्जना हुने विश्वास व्यक्त गरिन्। मन्त्री यादवले आगामी आर्थिक वर्षको बजेटमा रुग्ण कपडा उद्योग सञ्चालनका लागि बजेट विनियोजन गरिने प्रतिबद्धता जनाइन्।