Photo · www.capitalnepal.com
उद्योग, वाणिज्य तथा आपूर्तिमन्त्री गौरीकुमारी यादवले लामो समयदेखि बन्द रहेको हेटौँडा कपडा उद्योग पुनः सञ्चालनका लागि गृहकार्य भइरहेको बताएकी छन्। हेटौँडा औद्योगिक क्षेत्रको निरीक्षणका क्रममा उनले उद्योग सञ्चालनमा आए मुलुकको आर्थिक विकासमा टेवा पुग्ने र रोजगारीको वातावरण सिर्जना हुने विश्वास व्यक्त गरिन्। मन्त्री यादवले आगामी आर्थिक वर्षको बजेटमा रुग्ण कपडा उद्योग सञ्चालनका लागि बजेट विनियोजन गरिने प्रतिबद्धता जनाइन्।
निर्माण क्षेत्रको संकटबारे सरकारको ध्यानाकर्षण गराउँदै चेम्बरको आग्रह
नेपाल चेम्बर अफ कमर्सले निर्माण क्षेत्रमा बढ्दो लागत, ढिलो भुक्तानी र प्रशासनिक जटिलताका कारण व्यवसायीहरू गम्भीर आर्थिक संकटमा परेको भन्दै सरकारको ध्यानाकर्षण गराएको छ। मध्यपूर्व युद्धको प्रभावले निर्माण सामग्री र ढुवानी खर्चमा भएको मूल्यवृद्धिका कारण समस्या थप जटिल बनेको चेम्बरले जनाएको छ।
सहकारी संकटको मुख्य कारण सरकारी नियमनको कमजोरी: जाँचबुझ आयोग
सहकारी क्षेत्रको वर्तमान संकटको मुख्य कारण सरकारी नियमन संयन्त्रको कमजोरी रहेको निष्कर्ष 'सहकारी क्षेत्रको बेथिति जाँचबुझ आयोग २०८२' ले सार्वजनिक गरेको छ। आयोगका अनुसार सरकारी निकायबाट प्रभावकारी नियमन र निगरानी नहुँदा तथा कार्यक्षेत्र विस्तारमा अनियन्त्रित स्वीकृति दिँदा सहकारी प्रणाली समस्याग्रस्त बनेको हो। बहु-नियामक संरचनाबीच समन्वयको अभाव, कानुनी अस्पष्टता, कमजोर सुपरिवेक्षण र नियमनमा लापरबाहीले सहकारी क्षेत्र गम्भीर संकटमा परेको प्रतिवेदनमा उल्लेख छ।
जगदम्बा मोटर्सद्वारा काठमाडौंमा सातदिने टिभीएस अटो कार्निभल आयोजना
जगदम्बा मोटर्सले काठमाडौंको भृकुटीमण्डपमा जेठ १३ देखि १९ गतेसम्म 'टिभीएसमा अपग्रेड हान्नेलाई अचम्मैको डिल' नामक सातदिने विशेष अटोमोटिभ कार्निभल आयोजना गरेको छ। यस इभेन्टको मुख्य उद्देश्य ग्राहकहरूलाई नयाँ टिभीएस दुईपांग्रे सवारीसाधन खरिद प्रक्रियालाई सहज, सुलभ र लाभदायी बनाउनु रहेको कम्पनीले जनाएको छ। कार्निभलमा ग्राहकहरूले विशेष एक्सचेन्ज अफर, फाइनान्स सुविधा, नगद छुट र नयाँ उत्पादनहरूको अवलोकन गर्न सक्नेछन्।
नेपाल चेम्बर अध्यक्ष अग्रवाल र साउदी राजदूत मनिकरबीच द्विपक्षीय व्यापार र लगानीबारे छलफल
नेपाल चेम्बर अफ कमर्सका अध्यक्ष कमलेश कुमार अग्रवाल र नेपालका लागि साउदी अरेबियाका राजदूत फाहद मोहम्मद ए. मनिकरबीच काठमाडौंमा द्विपक्षीय आर्थिक तथा व्यापारिक सम्बन्ध, लगानी प्रवद्र्धन र पर्यटन विकासबारे छलफल भएको छ। अग्रवालले साउदी अरेबिया नेपालको महत्वपूर्ण आर्थिक साझेदार रहेको र नेपालको अर्थतन्त्रमा वैदेशिक रोजगारी, विप्रेषण र लगानीको सम्भावना रहेको बताए। राजदूत मनिकरले साउदी अरेबिया विदेशी लगानी र आर्थिक साझेदारीका लागि खुला हुँदै गएको बताए।
