सुदूरपश्चिम प्रदेश प्रहरी गण कार्यालय धनगढी

नेपाल प्रहरीको सुदूरपश्चिम प्रदेश कार्यालयले भारतको दिल्लीबाट चोरी गरी नेपाल ल्याइएको हिरामोती, गरगहना र नगदसहित करिब दुई करोड १० लाख रुपैयाँ बराबरको सम्पत्ति बरामद गरेको छ। चोरीमा संलग्न उपेन्द्र रावत, लोकेश धामी र अर्जुन सुनारलाई प्रहरीले पक्राउ गरेको छ। घरधनी सञ्जयकुमार माखिजाले नेपाल प्रहरीमा उजुरी दिएपछि अनुसन्धान सुरु गरिएको थियो।