अनुसन्धान

पोखरा क्षेत्रीय अन्तर्राष्ट्रिय विमानस्थल निर्माणमा अनियमितता गरी राज्यलाई करिब ८ अर्ब ३६ करोड रुपैयाँभन्दा बढीको क्षति पुर्‍याएको आरोपमा अख्तियार दुरुपयोग अनुसन्धान आयोगले विशेष अदालतको आदेश बदर गरी प्रतिवादीहरूलाई थुनामा राखी पुर्पक्ष गर्न माग गर्दै सर्वोच्च अदालतमा निवेदन दिएको छ। आयोगले तत्कालीन संस्कृति, पर्यटन तथा नागरिक उड्डयन मन्त्री रामकुमार श्रेष्ठसहितका व्यक्तिहरूले मिलेमतोमा गैरकानुनी लाभ लिने उद्देश्यले निर्णय गरेको आरोप लगाएको छ।

वैदेशिक रोजगारीमा विभिन्न देश पठाइदिने प्रलोभन देखाएर ९७ लाख ५८ हजार रुपैयाँ ठगी गरेको अभियोगमा ६ जनालाई प्रहरीले पक्राउ गरेको छ। पक्राउ परेकाहरूले क्यानडा, न्युजिल्याण्ड, बेलायत, अमेरिका, दुबइ र सर्बिया पठाइदिने भन्दै ठगी गरेको प्रहरीले जनाएको छ।

प्रहरीको नक्कली परिचयपत्र देखाएर व्यवसायी तथा स्थानीयलाई धम्क्याउने एक युवा पक्राउ परेका छन्। रामेछापका आशिष सुनुवारलाई काठमाडौं महानगरपालिका–७ गौरीघाटबाट पक्राउ गरिएको हो। उनले आफू केन्द्रीय अनुसन्धान ब्यूरोको सहायक हवल्दार भएको भन्दै होटल व्यवसायी र सर्वसाधारणलाई धम्क्याउँदै हिँडेको पाइएको जिल्ला प्रहरी परिसर काठमाडौँका प्रहरी उपरीक्षक पवनकुमार भट्टराईले जानकारी दिए।

केन्द्रीय अनुसन्धान ब्युरो (सीआईबी) ले नेपाल इन्भेष्टमेन्ट मेगा बैंकका प्रमुख कार्यकारी अधिकृत ज्योतिप्रकाश पाण्डे र पूर्वउद्योग वाणिज्य महासंघका अध्यक्ष शेखर गोल्छालाई पक्राउ गरे पनि कानुनी आधार नपुगेको भन्दै अदालतले उनीहरूलाई थुनामुक्त गरेको छ। यस घटनाले प्रहरी अनुसन्धानको व्यावसायिकता र नियतमाथि गम्भीर प्रश्न उठाएको छ।

केन्द्रीय अनुसन्धान ब्युरो (सीआईबी) ले दुग्ध विकास संस्थान (डीडीसी) माथि अनुसन्धान सुरु गरेको छ। ब्युरोको टोलीले लैनचौरस्थित डीडीसीको केन्द्रीय कार्यालयमा पुगेर दुग्धजन्य पदार्थको खरिद-बिक्रीसम्बन्धी कागजात नियन्त्रणमा लिएको छ। सीआईबी प्रवक्ता एवं प्रहरी वरिष्ठ उपरीक्षक शिवकुमार श्रेष्ठका अनुसार डीडीसीसम्बन्धी केही अनुसन्धान गर्नुपर्ने देखिएकाले विवरण संकलन गरिएको हो।

केन्द्रीय अनुसन्धान ब्युरो (सीआईबी) ले दुग्ध विकास संस्थान (डिडिसी) को केन्द्रीय कार्यालयमा छापा मारी केही कागजात नियन्त्रणमा लिएको छ। डिडिसीसँग सम्बन्धित सूचनाका आधारमा प्रहरी टोलीले कार्यालयमा पुगेर अनुसन्धानका लागि आवश्यक कागजातहरू संकलन गरेको हो। अनुसन्धान जारी रहेको र थप विवरण खुलाइएको छैन।