Photo · shilapatra.com
द हिडन ट्रेजरले मिस नेपाल २०२६ प्रतियोगिताका लागि आवेदन खुला गरेको छ। यस प्रतियोगितामा सहभागी हुन १८ देखि २७ वर्ष उमेर समूहका, ५ फिट ३ इन्च उचाइ भएका र नेपाली नागरिकता भएका युवतीहरूले जेठ २५ गतेसम्म आवेदन दिन सक्नेछन्। प्रतियोगिताको ग्राण्ड फिनाले १६ साउनमा काठमाडौंमा आयोजना हुनेछ।
रिस्ता गुरुङ 'आ बाट आमा २' फिल्ममा अनुबन्धित, दसैंमा प्रदर्शन हुने
चर्चित रियालिटी शो 'मेरो डान्स युनिभर्स २' की विजेता रिस्ता गुरुङ निर्देशक चन्द्र पन्तको फिल्म 'आ बाट आमा २' मा अनुबन्धित भएकी छन्। यो फिल्म आगामी दसैंको फूलपातीको अवसर पारेर असोज ३० गते प्रदर्शनमा आउने तयारी छ।
काठमाडौं अन्तर्राष्ट्रिय पर्वतीय चलचित्र महोत्सव (किम्फ) को २३औँ संस्करण सुरु
काठमाडौं अन्तर्राष्ट्रिय पर्वतीय चलचित्र महोत्सव (किम्फ) को २३औँ संस्करण बुधबारदेखि पाँच दिनका लागि ठमेलस्थित क्युएफएक्स छायाँ सेन्टरमा सुरु भएको छ। महोत्सवमा २९ देशका ५० भन्दा बढी चलचित्र प्रदर्शन गरिनेछन्, जसमा अन्तर्राष्ट्रिय फिचर, वृत्तचित्र, छोटो चलचित्र र साहित्य कथामा आधारित चलचित्रहरू समावेश छन्। महोत्सव निर्देशक रम्यता लिम्बु अनुसार, यस वर्षको किम्फले मनोरञ्जनका साथै सामाजिक विषयमा गम्भीर संवादलाई पनि प्राथमिकता दिएको छ।
सांसदद्वारा फिल्ममा धूम्रपान दृश्य नियन्त्रणको माग, ‘जिरो डिग्री’को फर्स्ट लुक सार्वजनिक
सांसदहरूले चलचित्र, वेब–सिरिज तथा अन्य दृश्य–श्रव्य सामग्रीमा देखाइने धूम्रपान तथा सुर्तीजन्य पदार्थका दृश्यमाथि कडा नियमन गर्न माग गरेका छन्। यसैबीच, डार्क कमेडी चलचित्र ‘जिरो डिग्री’को फर्स्ट लुक भिडियो सार्वजनिक गर्दै यही तिहारमा प्रदर्शन हुने मिति घोषणा गरिएको छ।
त्रिवेणी राईको फिल्म ‘सेप अफ मोमो’ नेपाल र भारतमा प्रदर्शन हुने
सिक्किमकी युवा फिल्म निर्देशक त्रिवेणी राईको डेब्यु फिचर फिल्म ‘सेप अफ मोमो’ जेठ १५ गतेदेखि नेपाल र भारतमा एकसाथ प्रदर्शनमा आउने भएको छ। भारतीय अभिनेता तथा निर्माता राना दगुबत्तीको स्प्रिट मिडियाले फिल्मको प्रदर्शनमा सहयोग गरिरहेको छ भने जोया अख्तर र रिमा काग्ती जस्ता फिल्मकर्मीहरू कार्यकारी निर्माताको रूपमा छन्। यो फिल्मले सिक्किमको हिमाली गाउँको पृष्ठभूमिमा तीन पुस्ताका महिलाको जीवन, सम्बन्ध र पहिचानको कथा प्रस्तुत गर्छ।
