Photo · gorkhapatraonline.com
नाइट चेस क्लबको आयोजनामा जारी राष्ट्रिय ‘बी’ बुद्धिचाल च्याम्पियनसिपको खुला र महिला दुवै विधामा प्रतिस्पर्धा रोमाञ्चक बनेको छ। खुलातर्फ सर्लाहीका कमल श्रेष्ठ पाँच अंकका साथ शीर्ष स्थानमा छन् भने महिलातर्फ कास्कीकी पूजा भण्डारी ४.५ अंकका साथ शीर्ष स्थानमा छिन्। यस प्रतियोगिताबाट खेलाडीहरू २६औँ राष्ट्रिय पुरुष र ११औँ राष्ट्रिय महिला च्याम्पियनसिपका लागि छनोट हुनेछन्।
रविन्द्र ढाँट ‘रोड टु युएफसी’ सिजन ५ को सेमिफाइनलमा प्रवेश
नेपाली एमएमए फाइटर रविन्द्र ढाँटले चीनको मकाउमा जारी ‘रोड टु युएफसी’ सिजन ५ को ब्यान्टमवेट विधाको क्वाटरफाइनलमा फिलिपिन्सका किम्बर्ट अलिन्टोजोनलाई पराजित गर्दै सेमिफाइनलमा प्रवेश गरेका छन्। यस जितसँगै उनी ‘रोड टु युएफसी’ मा सेमिफाइनल पुग्ने पहिलो नेपाली खेलाडी बनेका छन्।
एसियन गेम्स छनोट खेल्न सिंगापुर जाने नेपाली क्रिकेट टोलीको बिदाइ
नेपाली राष्ट्रिय क्रिकेट टोली एसियन गेम्स क्रिकेट छनोट प्रतियोगिता खेल्नका लागि बिहीबार सिंगापुर प्रस्थान गरेको छ। नेपाल क्रिकेट संघ (क्यान) ले आयोजना गरेको बिदाइ कार्यक्रममा कप्तान दीपेन्द्रसिंह ऐरीले टोलीको तयारी राम्रो रहेको र सिंगापुरमा सकारात्मक नतिजा ल्याउने विश्वास व्यक्त गरे। प्रतियोगिताको सेमिफाइनलमा पुग्ने टोली एसियन गेम्स पुरुष क्रिकेटका लागि छनोट हुनेछन्।
काभा महिला भलिबल: इरानसँग पराजित भएसँगै नेपाल फाइनल पुग्न असफल
काठमाडौंमा जारी काभा महिला भलिबल च्याम्पियनसिपको सेमिफाइनलमा नेपाल साबिक विजेता इरानसँग ३-० को सोझो सेटमा पराजित भएको छ। यस हारसँगै नेपाल प्रतियोगिताको फाइनलमा पुग्न असफल भएको छ र अब तेस्रो स्थानका लागि भारतसँग प्रतिस्पर्धा गर्नेछ।
काभा महिला भलिबल: माल्दिभ्सलाई हराउँदै नेपाल सेमिफाइनलमा प्रवेश
नेपालले काभा महिला भलिबल च्याम्पियनसिपको सेमिफाइनलमा स्थान पक्का गरेको छ। आइतबार समूह चरणको अन्तिम खेलमा माल्दिभ्सलाई ३-० को सोझो सेटमा पराजित गर्दै नेपालले लगातार दोस्रो जित हासिल गरेको हो। यस जितसँगै नेपाल ७ अंक जोड्दै समूह 'ए' को शीर्ष स्थानमा उक्लियो।
