सोम गुरुङको नयाँ लोक-पप गीत ‘चौंरीको गोठ’ सार्वजनिक

नियात्रा समाज नेपालले साहित्यकार इल्या भट्टराईको व्यक्तित्व र कृतित्वमाथि काठमाडौंमा एक विशेष परिचर्चा कार्यक्रम आयोजना गरेको छ। कार्यक्रममा विभिन्न साहित्यकार तथा नियात्राकारहरूले भट्टराईका नियात्राकृतिहरूमा पाइने विम्ब, तत्व, सौन्दर्य, भाषा, शैली तथा प्रस्तुतिका आयामहरूबारे विश्लेषण गरेका थिए। भट्टराईले आफ्नो लेखन अनुभव साझा गर्दै नियात्रा लेखनमा रैथाने शब्दको प्रयोग र सरल भाषाशैलीमा जोड दिनुभएको थियो।

जीवन, परिवार, सम्बन्ध र आफ्नोपनको भावलाई संवेदनशील ढंगले प्रस्तुत गरिएको ‘मेरो आफ्नै संसार’ नामक गीत सार्वजनिक गरिएको छ। सर्जक शंकर पाण्डे मुक्तिको प्रस्तुति रहेको उक्त गीत मानव सेवा आश्रममा आयोजित एक समारोहबीच सार्वजनिक गरिएको हो। गीतबाट प्राप्त आम्दानीको केही हिस्सा समाजसेवामा खर्च गरिने घोषणा गरिएको छ।

आदिवासी जनजाति चलचित्र महासंघले जेठ १७, १८ र १९ गते काठमाडौंस्थित चलचित्र विकास बोर्डमा छैटौँ नेपाल आदिवासी जनजाति चलचित्र महोत्सव आयोजना गर्ने भएको छ। महोत्सवमा विभिन्न समुदायका कथानक चलचित्र, लघु चलचित्र, वृत्तचित्र र एआई जेनेरेटेड वृत्तचित्र प्रदर्शन गरिनेछन्। यसले नेपाललाई विश्व आदिवासी चलचित्रको एक सशक्त केन्द्रका रूपमा स्थापित गर्ने विश्वास आयोजकको छ।

हंसराज हुलासचन्द एण्ड कम्पनी प्रा.लि.ले जेठ १६ गते टोकास्थित स्केटर्स नेपालमा ‘पल्सर आरपीएम’ नामक कार्यक्रम आयोजना गर्ने भएको छ । यो कार्यक्रमले युवा, सडक संस्कृति, संगीत र राइडिङ समुदायलाई एकै मञ्चमा ल्याउने उद्देश्य राखेको छ । कार्यक्रममा स्टन्ट शो, बीएमएक्स प्रदर्शन, स्केट, बी–बोय प्रस्तुति, ग्राफिटी आर्ट, ¥याप र डीजे सेसन जस्ता गतिविधिहरू समावेश हुनेछन् ।