Photo · bizmandu.com
कामना सेवा विकास बैंकले आफ्नो संस्थागत सामाजिक उत्तरदायित्व अन्तर्गत मोरङस्थित नेपाल रेडक्रस सोसाइटीलाई १० थान डोनर बेड हस्तान्तरण गरेको छ। बैंकले विराटनगर शाखा कार्यालयमार्फत उक्त सहयोग प्रदान गरेको हो, जसको उद्देश्य रक्तसञ्चार सेवाको प्रभावकारी सञ्चालन तथा गरिब र विपन्न वर्गका बिरामीहरूलाई समयमै रगत उपलब्ध गराउनु रहेको छ।
बहिरा संघ गण्डकीको भवन भत्काइएको विषय गण्डकी प्रदेशसभामा उठ्यो
पोखरा महानगरपालिकाले फिर्के खोलाको अतिक्रमण हटाउने क्रममा बहिरा संघ गण्डकीको कार्यालय भवन भत्काएको विषय गण्डकी प्रदेशसभामा उठेको छ। कांग्रेस सांसद सुनिता थापाले अपांगता भएका नागरिकहरूको अधिकार सुनिश्चित गर्न माग गर्दै भवन भत्काइएकोमा आपत्ति जनाएकी छिन्। राष्ट्रिय बहिरा महासंघले पनि विज्ञप्ति जारी गरी भवन भत्काइएकोमा ध्यानाकर्षण गराएको छ।
आर्थिक सर्वेक्षण २०८२/८३: ४१ लाख १४ हजार सवारी चालक अनुमतिपत्र वितरण
सार्वजनिक भएको आर्थिक सर्वेक्षण २०८२/०८३ अनुसार, २०८२ फागुनसम्म ४१ लाख १४ हजार १८१ थान सवारी चालक अनुमतिपत्र (स्मार्ट कार्ड) वितरण भएको छ। सोही अवधिमा ८७ हजार १४ थान इम्बोस्ड नम्बर प्लेट उत्पादन भएकोमा पाँच हजार १८६ थान जडान भएको छ।
पोखरा महानगरपालिकाले फिर्केखोलाको खोलाघरमा बनेका संरचना हटाउन सुरु गर्यो
पोखरा महानगरपालिकाले बजारको मध्यभाग भएर बग्ने फिर्केखोलाको खोलाघरभित्र बनेका अतिक्रमित संरचना हटाउन सुरु गरेको छ। सार्वजनिक जमिन अतिक्रमण गरी बनाइएका संरचना हटाउन महानगरले ३५ दिने सूचना जारी गरेको थियो, जसको म्याद सकिएपछि अभियान थालिएको हो। महानगर प्रमुख धनराज आचार्यका अनुसार २०८० असारमा गरिएको नापजाँच प्रतिवेदनका आधारमा खोलाघरभित्रका सबै संरचना हटाइनेछ।
राष्ट्रिय मानव अधिकार आयोगको निष्कर्ष: सुधन गुरुङको नेतृत्वमा जेनजी आन्दोलन हिंसात्मक बन्यो
राष्ट्रिय मानव अधिकार आयोगले भदौ २३ र २४ गते भएको जेनजी आन्दोलन हिंसात्मक बन्नुमा ‘हामी नेपाल’ संस्थाका अध्यक्ष सुधन गुरुङको भूमिका मुख्य रहेको ठहर गरेको छ। आयोगको छानबिन प्रतिवेदनअनुसार गुरुङले भिडको नेतृत्व सम्हालेलगत्तै प्रदर्शनकारी र सुरक्षाकर्मीबीच गम्भीर झडप सुरु भएको देखिएको छ। प्रतिवेदनले शान्तिपूर्ण रूपमा सुरु भएको आन्दोलनलाई केही समूह र व्यक्तिले ‘हाइज्याक’ गरी हिंसात्मक बनाएको निष्कर्ष निकालेको छ।
