नेकपा संयोजक पुष्पकमल दाहाल 'प्रचण्ड' निमोनिया संक्रमणपछि अस्पताल भर्ना

नेपाल चिकित्सक सङ्घको आयोजनामा चितवनमा ‘अल नेपाल मेडिकल कन्फ्रेन्स ‘एनएमए कन २०२६’ सुरु भएको छ । आइतबारसम्म चल्ने यस सम्मेलनमा नेपाल, भारत र चीनका विशेषज्ञ चिकित्सक, नर्स, स्वास्थ्यकर्मी तथा विश्व स्वास्थ्य सङ्गठन र स्वास्थ्य मन्त्रालयका प्रतिनिधि सहभागी छन् । सम्मेलनमा प्राथमिक स्वास्थ्य सेवा सुधार, डिजिटल हेल्थ, ग्रामीण स्वास्थ्य पहुँच, स्वास्थ्य बीमा र मानव संसाधन व्यवस्थापन जस्ता विषयमा छलफल भइरहेको छ ।

स्वास्थ्य बीमा बोर्डले वित्तीय संकटको कारण देखाउँदै जेठ १६ गतेदेखि लागू हुने गरी निजी स्वास्थ्य संस्थामा आकस्मिकबाहेकका सबै स्वास्थ्य बीमा सेवा स्थगित गरेको छ। बोर्डको जेठ ११ गते बसेको बैठकले गरेको यो निर्णयले स्वास्थ्य बीमा कार्यक्रममा आबद्ध निजी स्वास्थ्य संस्थाहरूबाट प्रदान गरिने नियमित सेवाहरू अर्को सूचना नभएसम्मका लागि बन्द रहनेछ।

सरकारले स्वास्थ्य बीमा कार्यक्रमको व्यापक पुनर्संरचना गर्ने भएको छ। अर्थमन्त्री डा. स्वर्णिम वाग्लेले आगामी आर्थिक वर्षको बजेटमार्फत छरिएर रहेका सामाजिक स्वास्थ्य सुरक्षा कार्यक्रम र स्वास्थ्यसम्बन्धी दायित्वलाई एकीकृत गरी एकल भुक्तानी विधि अपनाइने बताएका छन्। यसबाट आगामी तीन वर्षमा ९० प्रतिशत नागरिकलाई स्वास्थ्य बीमाको दायरामा ल्याई व्यक्तिगत उपचार खर्चमा उल्लेख्य कटौती गर्ने अपेक्षा गरिएको छ।

मुटु रोग विशेषज्ञ डा. समीर कुमार पौडेलले नेपालमा मुटु रोगको समस्या बढ्नुका दुई मुख्य कारणहरू रहेको बताएका छन् । उनका अनुसार, स्वास्थ्य सेवाको पहुँच र प्रविधिको विकासले रोगको निदानमा वृद्धि भएको छ भने आधुनिक जीवनशैलीमा आएको परिवर्तनले जोखिम बढाएको छ ।