3 स्रोत · 3 समाचार

सुरु 4 दिन अघि · अपडेट 4 दिन अघि

बेलायतका ‘इण्डो प्यासिफिक’ मन्त्री सीमा मल्होत्राद्वारा पशुपतिनाथको दर्शन

Photo · www.dcnepal.com

नेपाल भ्रमणमा रहेकी बेलायतकी ‘इण्डो प्यासिफिक’ मन्त्री सीमा मल्होत्राले आराध्यदेव पशुपतिनाथको दर्शन गरेकी छन्। पशुपति क्षेत्र विकास कोषका अनुसार, मन्त्री मल्होत्राले मूल मन्दिरभित्रका अन्य देवीदेवताको पनि विधिपूर्वक दर्शन गरेकी हुन्। दर्शनपछि उनले मूल अर्चक गणेश भट्टबाट टीका तथा प्रसाद ग्रहण गरेकी थिइन्।

• मन्त्री मल्होत्रालाई पशुपति क्षेत्र विकास कोषका पुरातत्त्व अधिकृत सुशीलकुमार गौतमले पशुपतिनाथ र यहाँका प्राचीन मठ, मन्दिरका बारेमा जानकारी गराएका थिए।
• मन्त्री मल्होत्राले आगन्तुक पुस्तिकामा पशुपतिनाथको भ्रमणलाई 'धेरै राम्रो आध्यात्मिक भ्रमण' को अवसर भन्दै आनन्द प्राप्त भएको उल्लेख गरेकी छन्।
• मन्त्री मल्होत्रालाई कोषका सदस्य सचिव रामबहादुर कुँवर लगायतले पशुपतिनाथ मन्दिर परिसरमा स्वागत गरेका थिए।
• मन्त्री मल्होत्रा शुक्रबार नेपाल भ्रमणका लागि आएकी थिइन् र शनिबार कपिलवस्तुस्थित तिलौराकोटको पनि भ्रमण गरेकी थिइन्।