Photo · baahrakhari.com
इंग्ल्यान्डको एस्टन भिल्लाले जर्मनीको एससी फ्रेइबर्गलाई ३-० गोलले पराजित गर्दै यूइएफए युरोपा लिगको च्याम्पियन बनेको छ। यो जितसँगै क्लबले ३० वर्षपछि ठूलो उपाधि जितेको हो। प्रशिक्षक उनाई एमरीका लागि यो पाँचौँ युरोपा लिग उपाधि हो।
फिफा विश्वकपमा जापान र दक्षिण कोरियाका खेलाडीहरूको सूची सार्वजनिक
फिफा विश्वकप फुटबलमा एसियाबाट छनोट भएका जापान र दक्षिण कोरियाली टिमका खेलाडीहरूको सूची सार्वजनिक गरिएको छ। आगामी जेठ २८ गतेबाट सुरु हुने यस प्रतियोगितामा एसियाली मुलुकबाट प्रतिनिधित्व गर्ने टिमले उपाधि चुम्ने सम्भावना कमै रहे पनि राम्रो खेल प्रस्तुत गर्ने अनुमान गरिएको छ।
काभा महिला भलिबल: माल्दिभ्सलाई हराउँदै नेपाल सेमिफाइनलमा प्रवेश
नेपालले काभा महिला भलिबल च्याम्पियनसिपको सेमिफाइनलमा स्थान पक्का गरेको छ। आइतबार समूह चरणको अन्तिम खेलमा माल्दिभ्सलाई ३-० को सोझो सेटमा पराजित गर्दै नेपालले लगातार दोस्रो जित हासिल गरेको हो। यस जितसँगै नेपाल ७ अंक जोड्दै समूह 'ए' को शीर्ष स्थानमा उक्लियो।
क्रिस गेलले वैभव सूर्यवंशीलाई 'नयाँ सिक्स मेसिन' भनेपछि कीर्तिमान तोडियो
वेस्ट इन्डिजका पूर्व क्रिकेटर क्रिस गेलले भारतीय युवा खेलाडी वैभव सूर्यवंशीलाई 'नयाँ सिक्स मेसिन' को संज्ञा दिएका छन् । सूर्यवंशीले जारी आइपिएलमा क्रिस गेलको एक सिजनमा सर्वाधिक छक्का प्रहार गर्ने कीर्तिमान तोडेका हुन् । सूर्यवंशीले यस सिजन अहिलेसम्म ६५ छक्का प्रहार गरेका छन्, जुन २०१२ मा गेलले प्रहार गरेको ५९ छक्काको कीर्तिमानभन्दा बढी हो ।
नेदरल्यान्ड्सले फिफा विश्वकप २०२६ का लागि २६ सदस्यीय टोली घोषणा गर्यो
आगामी जुन ११ देखि जुलाई १९ सम्म अमेरिका, क्यानडा र मेक्सिकोमा आयोजना हुने फिफा विश्वकप २०२६ का लागि नेदरल्यान्ड्सले २६ सदस्यीय टोलीको घोषणा गरेको छ। प्रशिक्षक रोनाल्ड कोम्यानले बुधबार राति टोलीको घोषणा गरेका हुन्। यसअघि तीन पटक फाइनलमा पुगेर पनि उपाधि जित्न नसकेको नेदरल्यान्ड्स यसपटक समूह 'एफ' मा जापान, स्वीडेन र ट्युनिसियासँगै परेको छ।
