Photo · www.nepalviews.com
वैदेशिक रोजगारीका लागि ग्रिस र युएई पठाइदिने भन्दै २६ लाख रुपैयाँ ठगी गरेको आरोपमा प्रहरीले मधुसुदन पराजुली र प्रकाश बाँस्तोलालाई पक्राउ गरेको छ। पीडितहरूको उजुरीका आधारमा पक्राउ परेका उनीहरूले ग्रिस पठाउने भन्दै २३ लाख र युएई पठाउने भन्दै ३ लाख रुपैयाँ लिएर सम्पर्कविहीन भएको प्रहरीले जनाएको छ।
पूर्वपत्नीद्वारा न्यायाधीश गिरीमाथि बलात्कार आरोपः पुनर्वहालीको विरोधमा आमरण अनसनको घोषणा
पूर्वपत्नी आरती रावलले बलात्कार मुद्दामा फैसला नहुँदै दार्चुला जिल्ला अदालतका न्यायाधीश भुवन गिरीलाई पुनर्वहाली गरिएको भन्दै आमरण अनसन बस्ने घोषणा गरेकी छन्। रावलले सत्ता र शक्तिको दुरुपयोग गरी आफूले न्याय नपाउँदै गिरीलाई पुनर्वहाली गरिएको आरोप लगाएकी छन्।
सीआईबीले ५६ जनाको सेयर कारोबार रोक्का गर्न धितोपत्र बोर्डलाई पत्र पठायो
केन्द्रीय अनुसन्धान ब्युरो (सीआईबी)ले धितोपत्रसम्बन्धी ऐन, २०६३ अन्तर्गतको कसुरमा अनुसन्धानका लागि भन्दै दीपक भट्टसँग जोडिएका ५६ जना लगानीकर्ता तथा विभिन्न कम्पनीका उच्च पदस्थ अधिकारीहरूको सेयर कारोबार रोक्का गर्न नेपाल धितोपत्र बोर्डलाई पत्र पठाएको छ। सीआईबीले अनुसन्धान अवधिभर सम्बन्धित व्यक्तिहरूको सेयर बिक्री, हस्तान्तरण तथा कारोबार रोक्का राख्न र उनीहरूको नाममा रहेको सम्पूर्ण लगानी तथा धितोपत्र कारोबारको विवरण उपलब्ध गराउन आग्रह गरेको छ।
नक्कली नेपाली नोटसहित तीन व्यक्ति पश्चिम नवलपरासीमा पक्राउ
पश्चिम नवलपरासीको बर्दघाट नगरपालिका १ मा प्रहरीले नक्कली नेपाली नोटसहित तीन जनालाई नियन्त्रणमा लिएको छ। सोमबार साँझ चाउमिन पसलमा नक्कली नोट साट्ने प्रयास गरिरहेको अवस्थामा उनीहरूलाई प्रहरीले पक्राउ गरेको हो। प्रहरीका अनुसार उनीहरूको साथबाट ८ हजार रुपैयाँ बराबरको नक्कली नोट बरामद भएको छ।
वैदेशिक रोजगारीमा ठगी गर्ने ६ जना पक्राउ, ९७ लाखभन्दा बढी ठगी गरेको आरोप
प्रहरीले वैदेशिक रोजगारीमा विभिन्न देश पठाइदिने प्रलोभन देखाएर ९७ लाख ५८ हजार रुपैयाँ ठगी गरेको अभियोगमा ६ जनालाई पक्राउ गरेको छ। पक्राउ परेकाहरूमाथि थप अनुसन्धान भइरहेको छ।
