नेकपा (एमाले) संसदीय दलको बैठकमा आगामी बजेटबारे छलफल जारी

नेकपा (माओवादी केन्द्र)का सांसद वर्षमान पुनले सामाजिक सञ्जाल र डिजिटल प्लेटफर्मको लहरबाट उदाएका राजनीतिक शक्तिहरू विचार, संगठन र नेतृत्वको बलियो आधारबिना छिट्टै ओरालो लाग्ने दाबी गरेका छन्। उनले डिजिटल युगमा एजेन्डाहरू सामाजिक सञ्जालमार्फत तय हुने र त्यसमा स्पष्ट नेतृत्वको अभाव देखिने बताए। उनका अनुसार भर्चुअल माध्यमबाट संगठित हुने समूहहरूले छोटो समयमै प्रभाव जमाउन सक्ने भए पनि त्यस्ता आन्दोलन र राजनीतिक शक्तिहरूको स्थायित्व कमजोर हुने गर्छ।

सुदूरपश्चिम प्रदेश विकास परिषद्को चौथो बैठकले आर्थिक वर्ष २०८३/८४ देखि २०८७/८८ सम्मका लागि तयार गरिएको दोस्रो पञ्चवर्षीय योजनाको मस्यौदा पारित गरेको छ। मुख्यमन्त्री कमलबहादुर शाहको अध्यक्षतामा बसेको बैठकले पारित गरेको यो मस्यौदा अब मन्त्रिपरिषद्मा पेस गरिनेछ। यस योजनाले 'समुन्नत सुन्दर सुदूरपश्चिम' लाई दीर्घकालीन सोचका रूपमा अघि सारेको छ।

नेपाली काँग्रेसका सभापति गगनकुमार थापाले सरकारले आगामी आर्थिक वर्षको बजेटमा केही संरचनागत र नीतिगत सुधारका प्रयासहरू समेटेको भए पनि न्यून आय भएका र विपन्न वर्गका समस्या सम्बोधन गर्न नसकेको टिप्पणी गरेका छन्। उनले बजेटमा सकारात्मक पक्षहरू भए पनि सरकारको कार्यशैलीले गरिबी निवारणभन्दा 'गरिब मास्ने' नियत राखेको गम्भीर आरोप लगाएका छन्। थापाले आर्थिक मन्दी र बढ्दो महँगीका कारण कष्टकर जीवन बिताइरहेका नागरिकप्रति सरकार उदासीन बनेको दाबी गरेका छन्।

नेपाली कम्युनिस्ट पार्टीका सहसंयोजक माधवकुमार नेपालले पार्टीभित्र प्रतिनिधिसभा निर्वाचनको परिणामबारे गम्भीर समीक्षा भइरहेको बताएका छन्। उनले कम्युनिस्ट आन्दोलनलाई कमजोर पार्ने प्रवृत्तिलाई हटाएर एकतालाई बलियो बनाउनुपर्ने धारणा राखे। नेपालले विरोधीहरूसामु टाउको लुकाएर हिँड्नुपर्ने अवस्था नरहेको जिकिर गर्दै हालैको निर्वाचनमा राष्ट्रिय स्वतन्त्र पार्टीले प्राप्त गरेको सिटलाई 'सुनामी' को संज्ञा दिए।