3 स्रोत · 3 समाचार

सुरु 10 घण्टा अघि · अपडेट 5 घण्टा अघि

मकालु वरुण राष्ट्रिय निकुञ्जमा २५ जेठदेखि यार्सागुम्बा संकलन खुला

Photo · nepalwatch.com

संखुवासभाको मकालु वरुण राष्ट्रिय निकुञ्जले २५ जेठदेखि एक महिनाका लागि बहुमूल्य जडीबुटी यार्सागुम्बा संकलन गर्न खुला गरेको छ। निकुञ्ज कार्यालयका सूचना अधिकारी संस्कार सुवेदीका अनुसार यस अवधिमा दुई प्रजातिका यार्सा संकलन गर्न पाइनेछ।

• यार्सागुम्बा संकलनका लागि निकुञ्ज कार्यालय हेदाङनागढी, हटिया सेक्टर कार्यालय भोटखोला गाउँपालिका–३, सेदुवा सेक्टर कार्यालय मकालु–२, गोला पोष्ट भोटखोला–४, ताम्कू सेक्टर कार्यालय सिलिचोङ–३, बुङ सेक्टर कार्यालय महाकुलुङ–१ बुङ, सोलुखुम्बु र छेस्काम रेञ्पोष्ट महाकुलुङ–३ सोलुखुम्बुमार्फत पुर्जी दिने व्यवस्था मिलाइएको छ।
• संकलन पुर्जी, प्राथमिक उपचार सामग्री, खाना पकाउन ग्यास वा स्टोभ, बस्नका लागि त्रिपाललगायत सामग्री लैजान अनुमति दिइएको छ।
• विष्फोटक पदार्थ, खुकुरी, चक्कु, डोरी, पासो, भाला, गुलेली, लाउड स्पिकर, ड्रमसेटजस्ता कुरा लैजान प्रतिबन्ध लगाइएको छ।
• निकुञ्जले मध्यवर्ती क्षेत्रभित्रका स्थानीयलाई पाँच सय, मध्यवर्ती क्षेत्र बाहिरका संखुवासभा र सोलुखुम्बुका लागि दुई हजार तथा जिल्ला बाहिरका लागि तीन हजार प्रवेश शुल्क तोकेको छ।