Photo · www.makalukhabar.com
उत्तरी गाजा पट्टीस्थित एक प्रहरी चौकीमा इजरायली सेनाले गरेको हवाई आक्रमणमा पाँच प्यालेस्टिनी प्रहरीको मृत्यु भएको छ । गाजाको प्रहरी महानिर्देशनालयले घटनाको पुष्टि गर्दै गाजा शहरको उत्तरपश्चिममा रहेको अल–तुआम क्षेत्रमा इजरायली ड्रोनले दुईवटा मिसाइल प्रहार गरेको जनाएको छ । यस आक्रमणमा ६ जनाभन्दा बढी घाइते भएको र उनीहरूलाई उपचारका लागि अस्पताल भर्ना गरिएको छ ।
इजरायलको दाबी: हमासका सैन्य नेता मुहम्मद ओदेह गाजा आक्रमणमा मारिए
इजरायली रक्षा बलले हमासका सैन्य नेता मुहम्मद ओदेह गाजामा इजरायली आक्रमणमा मारिएको दाबी गरेको छ। इजरायली प्रधानमन्त्री बेन्जामिन नेतान्याहु र रक्षामन्त्री इजरायल काट्जको निर्देशनमा भएको कारबाहीमा ओदेहको मृत्यु भएको इजरायली प्रधानमन्त्री कार्यालयले जनाएको छ। ओदेह अक्टोबर ७ को नरसंहारको मुख्य योजनाकार र हमासको गुप्तचर स्टाफका प्रमुख थिए।
दाङमा शंकास्पद वस्तु नेपाली सेनाद्वारा डिस्पोज, बाजुरा-हुम्ला सीमा विवाद जडिबुटी तस्करीको चलखेल भएको दाबी
दाङ जिल्लामा फेला परेको शंकास्पद वस्तु नेपाली सेनाको बम डिस्पोजल टोलीले सुरक्षित रूपमा निष्क्रिय पारेको छ। यसैबीच, बाजुरा र हुम्लाबीचको सीमा विवाद वास्तविक नभई जडिबुटी तस्करी नियन्त्रण गर्ने प्रयासविरुद्धको गतिविधि भएको नेकपा (एमाले) का केन्द्रीय सदस्य नरेश रोकायाले दाबी गरेका छन्।
इजरायलद्वारा लेबनानमा आक्रमण तीव्र, दर्जनौँको मृत्यु
इजरायलले दक्षिणी र पूर्वी लेबनानमा आक्रमण तीव्र पारेको छ, जसमा दर्जनौँ मानिस मारिएका छन्। इजरायली प्रधानमन्त्री बेन्जामिन नेतान्याहूले हिज्बुल्लाहविरुद्ध सैन्य कारबाही तीव्र तुल्याउने घोषणा गरेपछि यो आक्रमण भएको हो। लेबनानको स्वास्थ्य मन्त्रालयका अनुसार पछिल्लो आक्रमणमा कम्तीमा ३१ जनाको मृत्यु भएको छ, जसमा कैयौँ बालबालिका पनि छन्।
इजरायली आक्रमणमा लेबनानमा ३१ जनाको मृत्यु, नेतन्याहुले कारबाही तीव्र पार्ने घोषणा
इजरायली सेनाले दक्षिणी र पूर्वी लेबनानमा गरेको भीषण हवाई आक्रमणमा बालबालिकासहित कम्तीमा ३१ जनाको मृत्यु भएको छ भने सयौं घाइते भएका छन्। इजरायली प्रधानमन्त्री बेन्जामिन नेतन्याहुले हिजबुल्लाहविरुद्ध सैन्य कारबाही अझ तीव्र बनाउने घोषणा गरेपछि यी आक्रमणहरू भएका हुन्। इजरायली सेनाले हिजबुल्लाहका १०० भन्दा बढी पूर्वाधार र लडाकु केन्द्रलाई लक्ष्य बनाएको दाबी गरेको छ।
