4 स्रोत · 4 समाचार

सुरु 11 घण्टा अघि · अपडेट 10 घण्टा अघि

रोजगार सेवा केन्द्र ‘रोजगार, सीप तथा उद्यमशीलता केन्द्र’मा रूपान्तरण हुने

Photo · www.dcnepal.com

सरकारले देशभरका रोजगार सेवा केन्द्रहरूलाई ‘रोजगार, सीप तथा उद्यमशीलता केन्द्र’का रूपमा रूपान्तरण गर्ने प्रक्रिया अघि बढाएको छ। युवा, श्रम तथा रोजगार मन्त्रालयले नयाँ व्यवस्था कार्यान्वयनका लागि ‘रोजगार, सीप तथा उद्यमशीलतासम्बन्धी एकीकृत सेवा प्रवाह कार्यविधि, २०८३’ स्वीकृत गरी पठाएको छ। यसबाट बेरोजगार दर्ता, सीप विकास तालिम समन्वय, रोजगार परामर्श, जब म्याचिङ र उद्यमशीलता प्रवद्र्धनजस्ता सेवा एकद्वार प्रणालीमार्फत प्रवाह गरिनेछ।

• विद्यमान रोजगार सेवा केन्द्रलाई ६० दिनभित्र रूपान्तरण गर्ने नीतिगत मार्गदर्शन प्राप्त भएको छ।
• यो रूपान्तरण नेपाल सरकार (मन्त्रिपरिषद्) को गत २०८२ चैत १३ गतेको निर्णयबाट स्वीकृत ‘शासकीय सुधारसम्बन्धी १०० कार्यसूची’ को बुँदा नं ५९ बमोजिम भएको हो।
• यस विषयमा अध्ययन गरी प्रतिवेदन पेस गर्न युवा, श्रम तथा रोजगार मन्त्रीस्तरको २०८२ चैत १९ गतेको निर्णयबाट उच्चस्तरीय समिति गठन गरिएको थियो।
• नयाँ कार्यविधि २०८३ जेठ ६ गते स्वीकृत भई जेठ ११ गते कानुन, न्याय तथा संसदीय मामिला मन्त्रालयमा दर्ता भएको हो।