Photo · rajdhanidaily.com
भारतको उत्तर प्रदेशस्थित कुशीनगरमा आकर्षक जागिरको प्रलोभन देखाएर बन्धक बनाइएका ४५३ जना नेपाली नागरिकलाई भारतीय प्रहरीको सहयोगमा उद्धार गरी नेपाल ल्याइएको छ। प्रहरीले उनीहरूलाई प्रतिव्यक्ति ७ हजार भारतीय रुपैयाँदेखि १ लाखसम्म रकम असुल गरी नेटवर्किङ व्यवसायको शैलीमा सदस्य विस्तार गर्ने गिरोहले बन्धक बनाएको प्रारम्भिक अनुसन्धानबाट खुलेको जनाएको छ।
झापाको रतुवा खोलामा बोराभित्र महिलाको शंकास्पद शव फेला, प्रहरी अनुसन्धानमा
झापाको दमक नगरपालिका १० सेतुमाडीस्थित रतुवा खोलाको पुलमुनि बोरामा पोको पारिएको अवस्थामा एक महिलाको शव फेला परेको छ। प्रहरीका अनुसार अन्दाजी ३०-३२ वर्ष उमेरकी महिलाले रातो भेस्ट र जिन्सको पाइन्ट लगाएकी छिन्, तर उनको पहिचान हुन सकेको छैन। घटना शंकास्पद देखिएकाले प्रहरीले हत्याको आशंकामा थप अनुसन्धान गरिरहेको छ।
हत्याकाण्डमा नयाँ प्रमाण फेला, अभियुक्त श्रीमान् थप कानुनी झमेलामा
ममता काफ्ले हत्याकाण्डमा नयाँ वैज्ञानिक प्रमाण फेला परेको छ, जसले अभियुक्त श्रीमान् नरेश भट्टलाई थप कानुनी अप्ठ्यारोमा पारेको छ। प्रहरीले नरेशको घरबाट बरामद गरेको विद्युतीय आरीमा मानिसको कपाल फेला परेको छ, जसको डिएनए परीक्षण गरिनेछ। यो प्रमाणले ममताको हत्यामा नरेशको संलग्नतालाई थप बल पुर्याउने अपेक्षा गरिएको छ।
धितोपत्र कारोबारमा अनियमितता: ५६ जनाको सेयर रोक्का गर्न सिआइबीको सेबोनलाई पत्र
नेपाल प्रहरीको केन्द्रीय अनुसन्धान ब्युरो (सिआइबी)ले धितोपत्र सम्बन्धी कसुरको अनुसन्धानका क्रममा विभिन्न ५६ जना उच्च व्यक्तिहरूको सेयर कारोबार रोक्का गर्न नेपाल धितोपत्र बोर्ड (सेबोन)लाई पत्राचार गरेको छ। सिआइबीले बजारमा अस्वाभाविक चलखेल, भित्री सूचनाको प्रयोग, सेयर मूल्य प्रभावित गर्ने गतिविधि तथा संगठित लगानी संरचनामार्फत धितोपत्र बजारमा अनियमितता भएको आशंकामा अनुसन्धान अघि बढाएको छ।
भारतमा बन्धक बनाइएका ४६३ नेपालीको उद्धार, ठगी गिरोहको खोजी जारी
आकर्षक जागिर र राम्रो कमाइको प्रलोभनमा पारी भारतको उत्तर प्रदेशस्थित कुशीनगरमा बन्धक बनाइएका ४६३ जना नेपाली नागरिकलाई उद्धार गरिएको छ। लुम्बिनी प्रदेश प्रहरी र जिल्ला प्रहरी कार्यालय रुपन्देहीले भारतीय प्रहरीको सहयोगमा उनीहरूलाई बन्धनमुक्त गराई बेलहिया नाका हुँदै नेपाल ल्याएको हो। हाल उनीहरू सबैलाई जिल्ला प्रहरी कार्यालय भैरहवामा राखिएको छ भने ठगी गिरोहको खोजी तथा अनुसन्धान जारी छ।
