7 स्रोत · 8 समाचार

सुरु 13 घण्टा अघि · अपडेट 4 घण्टा अघि

नक्कली प्रहरी बनेर व्यवसायीलाई धम्क्याउने व्यक्ति पक्राउ

Photo · www.kathmandupati.com

प्रहरीको नक्कली परिचयपत्र देखाएर व्यवसायी तथा स्थानीयलाई धम्क्याउने एक युवा पक्राउ परेका छन्। रामेछापका आशिष सुनुवारलाई काठमाडौं महानगरपालिका–७ गौरीघाटबाट पक्राउ गरिएको हो। उनले आफू केन्द्रीय अनुसन्धान ब्यूरोको सहायक हवल्दार भएको भन्दै होटल व्यवसायी र सर्वसाधारणलाई धम्क्याउँदै हिँडेको पाइएको जिल्ला प्रहरी परिसर काठमाडौँका प्रहरी उपरीक्षक पवनकुमार भट्टराईले जानकारी दिए।

• सुनुवारले चाबहिललगायतका स्थानमा केही समयदेखि यो कार्य गर्दै आएका थिए।
• निजले प्रहरीको नक्कली परिचयपत्र प्रयोग गरी समाजमा डरत्रास फैलाउँदै हिँडेका थिए।
• घटनाबारे जिल्ला प्रहरी परिसर काठमाडौँले थप अनुसन्धान गरिरहेको छ।