युक्रेनको राजधानी कीभमा आक्रमण गर्ने रुसको चेतावनी, विदेशी नागरिकलाई शहर छोड्न आग्रह

रूसले युक्रेनको राजधानी कीभमा रहेका रक्षा संरचनामाथि निरन्तर र योजनाबद्ध आक्रमण गर्ने चेतावनी दिएको छ र विदेशी नागरिकहरूलाई शहर छोड्न आग्रह गरेको छ । रूसी विदेश मन्त्रालयले ड्रोन डिजाइन, निर्माण र सञ्चालनमा प्रयोग हुने स्थानहरूलाई लक्षित गरी आक्रमण गरिएको दाबी गरेको छ । मन्त्रालयले विदेशी नागरिकहरूलाई सम्भव भएसम्म छिटो कीभ छोड्न आग्रह गरेको छ । हालै युक्रेनको स्तारोबिस्क क्षेत्रमा भएको ड्रोन आक्रमणमा १८ जनाको मृत्यु भएको थियो ।