सम्झेर साँझ: प्रकाश सायमी

www.saralpatrika.com · 5 दिन अघि

प्रकाश सायमीलाई सम्झिँदा मेरो मनमा सबैभन्दा पहिले एउटा सजीव कार्यकक्षको पर्दा खुल्छ– ‘मधुपर्क’ मासिकको त्यो सानो कोठा, जहाँ शब्दहरू धुपका वासना सरह उड्थे र विचारहरू फूलका सौन्दर्य सरह उज्यालो छर्दै फैलिन्थे। म त्यतिबेला ‘मधुपर्क’ मासिक पत्रिकामा कला स्तम्भ लेख्थेँ। उहाँ त्यही कोठामा इतिहासका बिर्सँदै गएका पानाहरूलाई आफ्नै स्वरले पुनर्जीवित गरिरहनुहुन्थ्यो। कतिपय दिवङ्गत साहित्यकारसँगका रोचक घटना सुनाउनुहुन्थ्यो।