धनराज गुरुङकी पूर्वपत्नी ज्योतिका नाममा अदालतद्वारा २१ दिने सूचना जारी

ललितपुर जिल्ला अदालतले मितेरी बचत तथा ऋण सहकारी संस्थाको रकम हिनामिना गरेको मुद्दामा नेपाली कांग्रेसका नेता धनराज गुरुङकी पूर्वपत्नी ज्योति गुरुङका नाममा २१ दिने म्याद सूचना जारी गरेको छ । ज्योति गुरुङमाथि ललितपुरमा रहेको मितेरी सहकारीको साढे १२ करोड रुपैयाँ हिनामिना (ठगी) गरेको गम्भीर आरोप छ । अदालतले जारी गरेको सूचनामा ज्योतिको तीनपुस्ते विवरण समेत खुलाइएको छ, जसमा उनको पतिको नाममा कांग्रेस नेता धनराज गुरुङ नै उल्लेख छ ।