मेटा रे-बान स्मार्ट ग्लासमा अब हातको इशाराले मेसेज लेख्न सकिने

मेटाको रे-बान स्मार्ट ग्लासमा अब हातले इसारा गरेकै भरमा मेसेज लेख्न सकिने भएको छ । कम्पनीले नयाँ अपडेटमार्फत ह्वाट्सएप, मेसेन्जर, इन्स्टाग्रामलगायतका एपमा यो सुविधा उपलब्ध गराएको हो । यसका साथै ‘डिस्प्ले रेकर्डिङ’ र विभिन्न सहरमा ‘वाकिङ डिरेक्सन’ जस्ता नयाँ फिचर पनि थपिएका छन् । डेभलपरका लागि नयाँ ‘डेभलपर प्रिभ्यु’ पनि सार्वजनिक गरिएको छ ।