मुक्तिनाथ विकास बैंकको मोबाइल बैंकिङमा ‘सेल्फ-रिन्यु’ सहितका नयाँ सुविधा थप

मुक्तिनाथ विकास बैंकले आफ्नो मोबाइल बैंकिङ एप ‘मुक्तिनाथ फाइदा एप’ मा सेल्फ-रिन्यु अर्थात् आफैँ नवीकरण गर्न सकिने लगायतका नयाँ सुविधा थप गरेको छ । यस सुविधाको सुरुवातसँगै अब ग्राहकलाई मोबाइल बैंकिङ सेवा नवीकरण गर्न बैंकको शाखासम्म धाउनुपर्ने झन्झट हटेको छ । यसका साथै, बैंकले ‘फाइदा एप’ मार्फत नै ग्राहकले बैंक नगई आफ्नो राष्ट्रिय परिचयपत्र, प्यान र ईमेल ठेगाना समेत अपडेट गर्न सक्ने सुविधा ल्याएको छ ।