अरुण काबेली पावर लिमिटेड

अविरल वर्षासँगै काबेली र इन्द्रावती खोलामा आएको बाढीले ताप्लेजुङ–पाँचथर क्षेत्रमा सञ्चालित चार वटा जलविद्युत् आयोजनाको विद्युत् उत्पादन पूर्ण रूपमा ठप्प भएको छ। बाढीले बाँध, इन्टेक, पाइपलाइन र विद्युत्गृहजस्ता मुख्य संरचनामा क्षति पुर्‍याएपछि आयोजनाहरू बन्द भएका हुन्। अरुण काबेली पावर लिमिटेडका अनुसार काबेली ‘बी–१’ आयोजनाको इन्टेकसहितका संरचनामा क्षति पुगेको छ भने रिडी हाइड्रोपावर लिमिटेडका अनुसार इँवाखोला जलविद्युत् आयोजनाको बाँधस्थल र पाइपलाइनमा क्षति पुगेको छ।