अर्जुन तामाङ

सार्वजनिक यातायातभित्र यात्रुको सिक्री लुटपाटमा संलग्न रहेको आरोपमा जिल्ला प्रहरी परिसर ललितपुरले चार जनालाई पक्राउ गरेको छ। प्रहरीका अनुसार १३ जेठमा कोटेश्वरबाट बल्खु तर्फ जाँदै गरेको बसभित्र एक युवतीले लगाएको सुनको सिक्री चोरी भएको उजुरीका आधारमा उनीहरूलाई सिक्रीसहित पक्राउ गरिएको हो।

प्रहरीले कोटेश्वरबाट बल्खु जाँदै गरेको बसभित्र एक युवतीको सुनको सिक्री लुट्ने चार जनालाई पक्राउ गरेको छ। पक्राउ परेका व्यक्तिहरू यसअघि पनि चोरी मुद्दामा संलग्न रहेको पाइएको छ। उनीहरूको साथबाट लुटिएको १ तोला ९ लालको सुनको सिक्री बरामद गरिएको छ।