अल जजिरा

इजरायली रक्षा बलले हमासका सैन्य नेता मुहम्मद ओदेह गाजामा इजरायली आक्रमणमा मारिएको दाबी गरेको छ। इजरायली प्रधानमन्त्री बेन्जामिन नेतान्याहु र रक्षामन्त्री इजरायल काट्जको निर्देशनमा भएको कारबाहीमा ओदेहको मृत्यु भएको इजरायली प्रधानमन्त्री कार्यालयले जनाएको छ। ओदेह अक्टोबर ७ को नरसंहारको मुख्य योजनाकार र हमासको गुप्तचर स्टाफका प्रमुख थिए।

इजरायलका विमानस्थलहरूमा ठूलो सङ्ख्यामा अमेरिकी सैन्य विमान तैनाथ गरिएका छन्, जसले गर्दा नियमित उडानहरू प्रभावित भएका छन् । बेन गुरिओन र रामोन विमानस्थलमा दर्जनौँ अमेरिकी लडाकु र इन्धन भर्ने विमान राखिएका छन् । इरानसँग युद्धविराम घोषणा भइसकेपछि पनि ती विमानहरू तत्काल फिर्ता लैजाने कुनै संकेत नदेखिएको जनाइएको छ ।