इजरायल काट्ज

गाजास्थित सशस्त्र समूह हमासले आफ्ना सैन्य शाखा 'अल-कसम ब्रिगेड' का नवनियुक्त कमाण्डर-इन-चिफ मोहम्मद ओडेहको इजरायली हवाई आक्रमणमा परी मृत्यु भएको बुधवार औपचारिक रूपमा पुष्टि गरेको छ। मंगलवार साँझ भएको उक्त आक्रमणमा ओडेहसहित उनकी श्रीमती र दुई छोराको समेत मृत्यु भएको हमासले जनाएको छ। हमासले यस आक्रमणलाई मानवीय मूल्य, मान्यता, कानून र दैवी सिद्धान्तहरूको घोर उल्लंघन भन्दै भत्र्सना गरेको छ।

इजरायली रक्षा बलले हमासका सैन्य नेता मुहम्मद ओदेह गाजामा इजरायली आक्रमणमा मारिएको दाबी गरेको छ। इजरायली प्रधानमन्त्री बेन्जामिन नेतान्याहु र रक्षामन्त्री इजरायल काट्जको निर्देशनमा भएको कारबाहीमा ओदेहको मृत्यु भएको इजरायली प्रधानमन्त्री कार्यालयले जनाएको छ। ओदेह अक्टोबर ७ को नरसंहारको मुख्य योजनाकार र हमासको गुप्तचर स्टाफका प्रमुख थिए।