एनपी साउद

नेपाली कांग्रेसका नेता एनपी साउदले पार्टीभित्र आन्तरिक एकता र समन्वयलाई प्राथमिकता दिन आग्रह गर्दै क्रियाशील सदस्यताको विषयलाई लिएर थप विवाद नगर्न नेतृत्वलाई सुझाव दिएका छन्। उनले विशेष अधिवेशनमा सहभागी नभएका नेताहरूलाई पनि समेटेर पार्टीभित्र मेलमिलाप र सहकार्यको वातावरण बनाउनुपर्ने आवश्यकता औँल्याएका छन्। साउदले सभापति गगन थापासँग असन्तुष्ट पक्षसँग संवाद र समन्वय अघि बढाउन आग्रह गरेका छन्।

नेपाली कांग्रेसको संस्थापनइतर पक्षले पार्टीभित्र एकता सुदृढीकरण र संगठन पुनर्जागरणका लागि कैलालीको धनगढीमा प्रदेशस्तरीय भेला आयोजना गरेको छ। भेलामा निवर्तमान सभापति शेरबहादुर देउवा पक्षका नेता तथा कार्यकर्ताहरूको उल्लेख्य सहभागिता रहेको छ। यस भेलाको मुख्य उद्देश्य पार्टीको आन्तरिक एकता, संगठन सुदृढीकरण र आगामी राजनीतिक रणनीतिका विषयमा छलफल गर्नु रहेको छ।