ओमशङ्कर गुप्ता

काठमाडौँ प्रहरीले गोङ्गबुबाट एसएलआरको म्याग्जिन र ४५ राउण्ड गोलीसहित दुई जनालाई पक्राउ गरेको छ । यसैगरी, काठमाडौं उपत्यका अपराध अनुसन्धान कार्यालयले बैंकिङ कसुर मुद्दाका फरार प्रतिवादी प्रणवलाल सिंहलाई छाउनीबाट पक्राउ गरेको छ ।

प्रहरीले काठमाडौँको गोङ्गबुबाट एसएलआरको म्याग्जिन र ४५ राउण्ड गोलीसहित दुई जना व्यक्तिलाई पक्राउ गरेको छ। पक्राउ पर्नेहरूमा खगेन्द्र शर्मा र ओमशङ्कर गुप्ता रहेका छन्। जिल्ला प्रहरी परिसर काठमाडौँका प्रवक्ता पवनकुमार भट्टराईका अनुसार काबेली गेष्टहाउसमा जाँच गर्ने क्रममा उनीहरूलाई उक्त सामग्रीसहित फेला पारी पक्राउ गरिएको हो।