कालाञ्जर पहाड

पर्वतको समुद्री सतहदेखि तीन हजार ३०० मिटर उचाइमा रहेको प्रसिद्ध धार्मिक तथा पर्यटकीयस्थल कालाञ्जर पहाडमा एक करोडभन्दा बढीको लागतमा अतिथि गृह निर्माण गरिएको छ । जलजला गाउँपालिकाले आफ्नै बजेटमा आठकोठे पक्की भवन निर्माण गरेको हो, जसले गर्दा अध्ययन, अवलोकन र घुम्न आउने पर्यटकहरूलाई सुविधा पुग्नेछ । यस क्षेत्रलाई धार्मिक तथा खगोल अध्ययन केन्द्रका रूपमा विकास गर्ने योजना छ ।

जलजला गाउँपालिकाले पर्वतको कालाञ्जर पहाडमा खगोल अध्ययन केन्द्र सञ्चालन गर्ने तयारी थालेको छ। विज्ञान, प्रविधि र पर्यटन प्रवर्द्धन गर्ने उद्देश्यले यो केन्द्र स्थापना गर्न लागिएको हो। यसका लागि आवश्यक योजना निर्माण गरी सङ्घीय सरकारका निकायमा पेस गरिएको छ।