केन्द्रीय अनुशासन आयोग

राष्ट्रिय स्वतन्त्र पार्टी (रास्वपा) ले बारा जिल्ला सभापति चन्दन स्वर्णकारको पार्टी सदस्यता खारेज गरी निष्कासन गरेको छ। बाराबाट निर्वाचित चार सांसदले आर्थिक अनियमितता, पार्टी संगठन परिचालन नगरेको र विपक्षी दलको पक्षमा लागेको आरोप लगाउँदै अनुशासन आयोगमा उजुरी दिएपछि पार्टीले यो कारबाही गरेको हो। स्वर्णकारले भने आफूमाथि राजनीतिक हत्या भएको र सांसदहरूको दबाबमा बिना छानबिन कारबाही गरिएको दाबी गरेका छन्।