चन्दननाथ नगरपालिका

जुम्लाका ग्रामीण महिलाहरूले जंगलमा पाइने ढटेलोको दाना संकलन गरी तेल निकालेर आम्दानी गर्न थालेका छन्। ढटेलोको तेल बजारमा प्रतिकिलो एक हजार रुपैयाँसम्ममा बिक्री हुने गरेको छ। यसले महिलाहरूलाई आत्मनिर्भर बन्न र आम्दानीको नयाँ स्रोत सिर्जना गर्न सहयोग पुर्याएको छ।

जुम्ला जिल्लाका आठवटै स्थानीय तहहरू पूर्ण खोप सुनिश्चितता तथा दिगोपना घोषणा भएका छन्। यससँगै जिल्लाले बालस्वास्थ्य सुरक्षातर्फ महत्वपूर्ण उपलब्धि हासिल गरेको छ। राष्ट्रिय खोप निर्देशिकाअनुसार आवश्यक मापदण्ड पूरा गरेपछि चन्दननाथ नगरपालिका र सात गाउँपालिकाले यो घोषणा गरेका हुन्।