जैविक विविधता महासन्धि

कृषि, वन तथा पर्यावरणमन्त्री गीता चौधरीले जैविक विविधताको संरक्षण नेपालको सन्दर्भमा दिगो विकास र मानव कल्याणसँग प्रत्यक्ष रूपमा जोडिएको बताएकी छन्। उनले अन्तर्राष्ट्रिय जैविक विविधता दिवसको अवसरमा शुभकामना सन्देश व्यक्त गर्दै संरक्षणलाई प्रभावकारी बनाउन बहुक्षेत्रीय समन्वय र सङ्घ, प्रदेश तथा स्थानीय तहबीच सहकार्य सुदृढ गरिने उल्लेख गरिन्। मन्त्री चौधरीले जैविक विविधता जलवायु परिवर्तन र प्रदूषणसँगै विश्वव्यापी तीन प्रमुख सङ्कटमध्ये एक रहेको र यसले संरक्षणलाई प्राथमिकतामा राखेको बताइन्।