जोन योञ्जन

निर्माता विनोद पौडेलको चलचित्र ‘रोल नं १’ले सेन्ट्रल फिल्म एक्जामिनेसन कमिटीबाट युनिभर्सल सर्टिफिकेट प्राप्त गरेको छ । यो प्रमाणपत्रसँगै चलचित्र सबै उमेर समूहका दर्शकले हेर्न सक्ने भएका छन् । निर्माता पौडेलले फेसबुकमा लेखेका छन्, “के बच्चा के वृद्ध÷वद्धा रोल नं १ सबैले हेर्न मिल्छ, भोलिबाट देशभर ।”

चलचित्र ‘रोल नं १’को नयाँ गीत ‘मेरो लागि तिमी’ सार्वजनिक भएको छ। प्रशान्त शिवाकोटीको शब्द, संगीत र स्वर रहेको यो गीतले सन्तानका लागि अभिभावकले गर्ने त्याग र संघर्षलाई चित्रण गरेको छ। यो चलचित्रले विद्यार्थीको मनोविज्ञान र वर्तमान शैक्षिक प्रणालीको नकारात्मक प्रभावलाई कथावस्तु बनाएको छ।