तमोर नदी

पाँचथरको याङवरक गाउँपालिकामा अविरल वर्षापछि आएको बाढी र पहिरोले ठूलो भौतिक क्षति पुर्‍याएको छ। बाढीले आधा दर्जनभन्दा बढी पुल बगाएको छ भने जलविद्युत् आयोजना, सडक र सर्वसाधारणका घरमा समेत क्षति पुगेको छ। प्रहरीका अनुसार हालसम्म मानवीय क्षति भने भएको छैन।

ताप्लेजुङ र पाँचथरको सिमानामा रहेको इन्द्रावती खोलामा आएको बाढीले मोटरेबल पुलमा क्षति पुर्‍याउँदा दुई जिल्लाबीचको यातायात सेवा पूर्ण रूपमा अवरुद्ध भएको छ। शुक्रबार राति आएको बाढीले पुलको ताप्लेजुङतर्फको भागमा क्षति पुर्‍याएको हो। यस घटनाले सिदिङ्वा गाउँपालिका क्षेत्र र सिरिजङ्घा गाउँपालिकाका केही वडाबाट सञ्चालन हुने यातायात सेवा ठप्प भएको छ।