मध्यपहाडी लोकमार्ग

प्रतिनिधिसभाको बैठकमा सांसदहरूले पछिल्लो समयमा देशका विभिन्न जिल्लामा आएको भीषण पानी, हावाहुरी र पहिरोका कारण प्रभावित नागरिकलाई उचित क्षतिपूर्ति र राहतको व्यवस्था गर्न सरकारको ध्यानाकर्षण गराएका छन्। सांसदहरूले विपद् जोखिम व्यवस्थापनमा सरकार गम्भीर हुनुपर्ने र प्रभावित क्षेत्रमा तत्काल राहत पुर्‍याउनुपर्नेमा जोड दिएका छन्।

पूर्वप्रधानमन्त्री डा. बाबुराम भट्टराईले राष्ट्रिय गौरवको आयोजनाअन्तर्गत पर्ने मध्यपहाडी लोकमार्गको गोरखा खण्डको काम वर्षौंदेखि अलपत्र परेको भन्दै सरकारको ध्यानाकर्षण गराएका छन्। उनले सत्ताको शिरदेखि पुछारसम्मका ढोका ढकढक्याउँदा पनि काम अघि नबढेको र ठेकेदारको पहुँचका कारण समस्या भएको बताएका छन्।

पाँचथरको याङवरक गाउँपालिकामा अविरल वर्षापछि आएको बाढी र पहिरोले ठूलो भौतिक क्षति पुर्‍याएको छ। बाढीले आधा दर्जनभन्दा बढी पुल बगाएको छ भने जलविद्युत् आयोजना, सडक र सर्वसाधारणका घरमा समेत क्षति पुगेको छ। प्रहरीका अनुसार हालसम्म मानवीय क्षति भने भएको छैन।

पाँचथरको याङ्वरक गाउँपालिकामा अविरल वर्षाका कारण आएको बाढी र पहिरोले दुई घर र एक भान्साघर बगाएको छ। यसैगरी, मध्यपहाडी लोकमार्गको थर्पु-चिवाभञ्ज्याङ खण्ड पूर्ण रूपमा अवरुद्ध भएको छ भने पाँचथर र ताप्लेजुङ जोड्ने इन्द्रावती खोलाको पुलमा क्षति पुग्दा दुई जिल्लाबीचको यातायात सेवा ठप्प भएको छ।

देशभर लगातारको वर्षासँगै आएको बाढी र पहिरोका कारण कोशी, बागमती, गण्डकी र कर्णाली प्रदेशका विभिन्न मुख्य राजमार्ग तथा सडक खण्डहरू प्रभावित भएका छन्। नेपाल प्रहरीका अनुसार केही सडक पूर्ण रूपमा अवरुद्ध भएका छन् भने केही एकतर्फी सञ्चालनमा रहेका छन्।

अविरल वर्षापछि गएराति पाँचथरको याङवरक गाउँपालिकामा आएको बाढीपहिरोले ठूलो क्षति पुर्‍याएको छ। यस घटनामा दुई घर र तीन झोलुङ्गे पुल बगाएको छ भने मध्यपहाडी लोकमार्गको ओयाम–चिवाभञ्ज्याङ खण्ड पूर्ण रूपमा अवरुद्ध भएको छ। हालसम्म मानवीय क्षतिको विवरण नआएको र वर्षा रोकिएको याङवरक गाउँपालिकाका उपाध्यक्ष बाबा मेन्याङ्बोले जानकारी दिएकी छन्।