देवी सहाय मीना

भारत सरकारले नेपालको कानुन कार्यान्वयन गर्ने निकायको क्षमता अभिवृद्धिमा सहयोग पुर्‍याउने उद्देश्यले १० वटा कैदी बोक्ने ट्रक उपहार स्वरूप प्रदान गरेको छ। मंगलबार वीरगञ्जमा आयोजित समारोहमा भारतीय महावाणिज्यदूत देवी सहाय मीनाले पर्साका प्रमुख जिल्ला अधिकारी भोला दाहाललाई ती सवारी साधनहरू हस्तान्तरण गरे।

सप्तरीको सुरुङ्गा नगरपालिका–१ शिशुवारीस्थित जनता माध्यमिक विद्यालयले भारत सरकारको सहयोगमा निर्मित सुविधासम्पन्न तीनतले भवन पाएको छ। नेपाल–भारत विकास सहकार्यअन्तर्गत उच्च प्रभाव सामुदायिक विकास परियोजनामार्फत रु दुई करोड ८४ लाख ३२ हजार ३०१ लागतमा निर्माण भएको १२ कोठे भवनको भारतीय महावाणिज्यदूत देवीसहाय मीना र नगरप्रमुख गीता चौधरीले संयुक्त रूपमा उद्घाटन गरे। भारत सरकारले यस परियोजनाका लागि रु दुई करोड २७ लाख ४५ हजार ८४१ अनुदान सहयोग उपलब्ध गराएको छ।