नरबहादुर बुढा

जिल्ला प्रशासन कार्यालय जुम्लाले सेवाग्राहीको घरमै राहदानी पुर्‍याउने सेवा सुरु गरेको छ। जिल्लाका आठ स्थानीय तहमा हालसम्म १४९ राहदानी हुलाकमार्फत वितरण गरिएको छ। यो सेवा सरकारको शासकीय सुधारसम्बन्धी कार्यसूचीअन्तर्गत सुरु गरिएको प्रमुख जिल्ला अधिकारी दीपक पौडेलले बताए।

जिल्ला प्रशासन कार्यालय जुम्ला र कञ्चनपुरले हुलाकमार्फत सेवाग्राहीको घरमै राहदानी पुर्‍याउने सेवा सुरु गरेका छन्। यो सेवा सरकारी सेवा घरमै उपलब्ध गराउने नीतिअन्तर्गत कार्यान्वयनमा ल्याइएको हो। जुम्लामा हालसम्म १४९ वटा राहदानी घरमै वितरण गरिएको छ भने कञ्चनपुरमा १४ मध्ये १३ राहदानी पहिलो दिन वितरण गरिएको छ।