नेपाल पौडी संघ

काठमाडौं महानगरपालिकाले नेपाल पौडी संघसँगको सहकार्यमा 'नेपाल एक्वेटिक्स काठमाडौं महानगर मेयर कप पौडी प्रतियोगिता' आयोजना गर्न मुख्य प्रायोजन सम्झौता गरेको छ। सम्झौता अनुसार, यो प्रतियोगिता जेठ २३ र २४ गते सातदोबाटो पौडी पोखरीमा सञ्चालन हुनेछ।

काठमाडौं महानगरपालिकाले क्रिकेट, ब्याडमिन्टन र पौडी प्रतियोगिताहरू सञ्चालन गर्न सम्बन्धित खेल संघहरूसँग सम्झौता गरेको छ। यो सम्झौता अन्तर्गत महानगरपालिकाले प्रतियोगिताहरूको लागि आर्थिक सहयोग गर्नेछ भने खेल संघहरूले २० प्रतिशत लागत सहभागिता गर्नेछन्। यस सहकार्यको मुख्य उद्देश्य स्थानीय स्तरमा खेलकुदको प्रवर्धन गर्नु र राष्ट्रिय तथा अन्तर्राष्ट्रिय स्तरका खेलाडी उत्पादन गर्नु रहेको छ।