क्रिकेट

महालक्ष्मी विकास बैंकले आफ्नो ३२औँ वार्षिकोत्सवको अवसरमा महालक्ष्मी कर्पोरेट क्रिकेट लिग २०२६–२७ (सिजन–५) आयोजना गर्ने भएको छ । यो प्रतियोगिता जेठ १७ गतेदेखि २० गतेसम्म काठमाडौंको रोयल स्पोर्टस् पार्कमा सञ्चालन हुनेछ । बैंक तथा वित्तीय क्षेत्रका कर्मचारीहरूबीच आपसी सम्बन्ध सुदृढ गर्ने उद्देश्यले यो लिग प्रत्येक वर्ष आयोजना गरिँदै आएको छ ।

नेपाल क्रिकेट संघ (क्यान) ले सन् २०२६ का लागि ३८ पुरुष र २५ महिला खेलाडीको नयाँ वर्गीकरण सार्वजनिक गरेको छ। खेलाडीको प्रदर्शन र योगदानका आधारमा उनीहरूलाई विभिन्न श्रेणीमा विभाजन गरिएको हो। पुरुषतर्फको ‘ए प्लस’ श्रेणीमा कप्तान रोहितकुमार पौडेल, दीपेन्द्रसिंह ऐरी र सन्दीप लामिछाने परेका छन्।

नेपाल क्रिकेट संघ (क्यान) ले २५ महिला खेलाडीलाई चार श्रेणीमा वर्गीकरण गरी केन्द्रीय सम्झौता सार्वजनिक गरेको छ। यस सम्झौताअन्तर्गत खेलाडीहरूले मासिक पारिश्रमिक पाउनेछन्।

नेपाल क्रिकेट संघ (क्यान) ले भारतको उत्तराखण्डमा मे २२ देखि जुन २ सम्म सञ्चालन हुने ४२औँ अल इन्डिया गोल्ड कप क्रिकेट प्रतियोगितामा सहभागी हुने नेपाल ‘ए’ टोलीको घोषणा गरेको छ। अनिल साहको कप्तानीमा १५ सदस्यीय टोली भारत भ्रमणमा जानेछ।

नेपाल क्रिकेट संघ (क्यान) ले सिंगापुरमा हुने एसियन गेम्स क्वालिफायर २०२६ का लागि दीपेन्द्र सिंह ऐरीको कप्तानीमा १४ सदस्यीय नेपाली राष्ट्रिय क्रिकेट टोली घोषणा गरेको छ। यसअघि कप्तान रहेका रोहित पौडेल पनि टोलीमा समावेश छन्। प्रतियोगिता मे ३१ देखि जुन ९ सम्म सिंगापुरमा आयोजना हुनेछ।

नेपाल क्रिकेट संघ (क्यान) ले राष्ट्रिय टोलीको बन्द प्रशिक्षण र आगामी प्रतियोगितालाई प्राथमिकता दिँदै बेल्जियमको ‘इयू टी–२० क्रिकेट लिग’ मा अनुबन्धित भएका ७ नेपाली खेलाडीलाई ‘नो अब्जेक्सन लेटर’ (एनओसी) दिन अस्वीकार गरेको छ। क्यानले खेलाडीहरूको सम्झौतामा पहिलो सर्त ‘देशका लागि खेल’ हुने स्पष्ट पारेको छ। यस निर्णयले खेलाडीहरूलाई ठूलो आर्थिक र व्यावसायिक अवसरबाट वञ्चित गरेको छ।