पश्चिम बंगाल सरकार

भारतले नेपाली चियाको गुणस्तरमा शंका उब्जाउँदै लगाएको शतप्रतिशत नमुना संकलन र अनिवार्य प्रयोगशाला परीक्षणको कडाइ खुकुलो पारेको छ। करिब २० दिनको अवरोधपछि १ मेदेखि लागू भएको यो नियम संशोधन गरिएसँगै नेपाली चिया निर्यात सहज बनेको छ। यसअघि पश्चिम बंगाल सरकारले नेपाली चियाले दार्जिलिङ चियाको ब्रान्डमा असर पारेको दाबी गर्दै कर छुट पुनरावलोकन गर्न आग्रह गरेको थियो।

भारतको पश्चिम बंगाल राज्य सरकारले सरकारी कर्मचारी तथा अधिकारीहरूलाई अनुमतिबिना सञ्चारमाध्यमसँग अन्तर्क्रिया गर्न प्रतिबन्ध लगाएको छ। मुख्य सचिव अग्रवालले जारी गरेको परिपत्रअनुसार अब सरकारी कर्मचारीहरूले सरकारको स्वीकृतिबिना सञ्चारमाध्यमसँग सूचना आदानप्रदान, अन्तरवार्ता वा मिडिया कार्यक्रममा सहभागिता जनाउन पाउने छैनन्। यो आदेश राज्य सरकार, स्वायत्त निकाय, बोर्ड, निगम, सार्वजनिक प्रतिष्ठान, सरकारी अनुदानमा सञ्चालित शैक्षिक संस्थान तथा राज्य प्रशासनसँग सम्बन्धित अखिल भारतीय सेवा (एआईएस) अधिकारीहरूमा लागू हुनेछ।