भारतीय टि बोर्ड

भारतले नेपाली चियाको गुणस्तरमा शंका उब्जाउँदै लगाएको शतप्रतिशत नमुना संकलन र अनिवार्य प्रयोगशाला परीक्षणको कडाइ खुकुलो पारेको छ। करिब २० दिनको अवरोधपछि १ मेदेखि लागू भएको यो नियम संशोधन गरिएसँगै नेपाली चिया निर्यात सहज बनेको छ। यसअघि पश्चिम बंगाल सरकारले नेपाली चियाले दार्जिलिङ चियाको ब्रान्डमा असर पारेको दाबी गर्दै कर छुट पुनरावलोकन गर्न आग्रह गरेको थियो।

परराष्ट्र मन्त्रालयले नेपाली चियाको भारत निर्यातमा देखिएको अवरोध हटेको र भारतीय टी बोर्डले निर्देशिका संशोधन गरेको जानकारी दिएको छ। यसैगरी, दक्षिण पूर्वी एसियाका अनलाइन स्क्यामिङ सेन्टरमा फसेका ६८७ नेपाली नागरिकको उद्धार गरी स्वदेश फर्काइएको छ।

परराष्ट्र मन्त्रालयले नेपाली चियाको भारत निर्यातमा देखिएको अवरोध कूटनीतिक पहलपछि हटेको जनाएको छ। मन्त्रालयका प्रवक्ता लोकबहादुर पौडेल क्षेत्रीका अनुसार भारतीय टी बोर्डले जारी गरेको निर्देशिका संशोधन गरिएसँगै चिया निकासी सहज भएको हो। यसका साथै, विदेशमा फसेका नेपालीको उद्धार कार्य जारी रहेको र 'मोफा मित्र' एप जेठ २२ गते सार्वजनिक गरिने मन्त्रालयले जानकारी दिएको छ।