पहलसिंह गुरुङ

नेपालमा बढ्दो बाँदर आतंक नियन्त्रणका लागि सांसदहरूले संसदमा कानून बनाउन माग गरेका छन्। तनहुँका एक किसानले डमी बाघ प्रयोग गरेर बाँदर नियन्त्रण गरेको अनुभव सांसद श्रीराम न्यौपानेले संसदमा सुनाएका छन्। यसैबीच, सांसद ध्रुवराज राईले बाँदर आतंकले कृषकहरू मारमा परेको भन्दै ठोस कदम चाल्न माग गरेका छन्।

राष्ट्रिय स्वतन्त्र पार्टी (रास्वपा)का सांसद श्रीराम न्यौपानेले बाँदर आतङ्क नियन्त्रणका लागि डमी बाघ प्रभावकारी हुने भन्दै संसदमा एक किसानको अनुभव प्रस्तुत गरेका छन्। उनले तनहुँका किसान पहलसिंह गुरुङले १२ सय रुपैयाँमा किनेको डमी बाघले दुई सिजन सुन्तला जोगाएको दृष्टान्त पेश गर्दै सरकारलाई राष्ट्रिय बाँदर व्यवस्थापन नीति ल्याउन र प्रभावित क्षेत्रलाई विशेष बाँदर सुरक्षा क्षेत्र घोषणा गर्न माग गरेका छन्।